Condo Kalabasa

Ako ay umusbong sa matabang lupa,

Nagkamalay at ika'y tinitingala,

Ulan at init nagpatibay ng sanga,

Nais lumipad para 'kay mapahanga.

Ngunit napa-isip at nagbago lahat,

Ang mga dahon ko'y hindi pala pakpak,

Kaya sa balag na lang ako'y kakapit!

Hangang mamunga at ika'y mapa-ibig.

Hanapin sa Dibdib

Kay dilim, anong liwanag ang susundan?
Kaliwa, kanan,duon sa kalawakan.
Tumakbo, maglayag,lumakad, lumipad,
Pumikit manalangin, puso'y pakinggan.